རྒྱལ་ཡོངས་ཚོགས་འདུ་གིས་ འབྲུག་གཞུང་དང་ ཀུ་ཝེཊ་གཞུང་གཉིས་ཀྱི་བར་ནའི་ མཁའ་གྲུལ་ཞབས་ཏོག་གི་ གན་རྒྱ་ ༢༠༢༤ ཅན་མ་འདི་ རྒྱབ་སྣོན་ཆ་སྦྱོར་འབད་ཡོདཔ་ཨིན།
དཔྱད་ཡིག་འགོ་འཛིན་པ་ གཞི་རྟེན་མཁོ་ཆས་དང་ སྐྱེལ་འདྲེན་བློན་པོ་གིས་ དཔལ་ལྡན་འབྲུག་གཞུང་དང་ ཀུ་ཝེཊ་གཞུང་གཉིས་ཀྱི་བར་ནའི་ མཁའ་འགྲུལ་ཞབས་ཏོག་གི་གན་རྒྱ་ ༢༠༢༤ ཅན་མ་འདི་ ཆ་སྦྱོར་གྱི་དོན་ལུ་ གྲོས་དོན་ཕུལ་ཡི།
དེ་ལུ་ ཚོགས་གྲལ་འཐུས་མི་ཡོངས་བསྡོམས་ ༤༥ ཡོད་ས་ལས་ འཐུས་མི་ག་ར་གིས་ རྒྱབ་སྐྱོར་གནང་སྟེ་ གན་རྒྱ་འདི་ ཆ་སྦྱོར་གནང་ཡི། གན་རྒྱ་འདི་ཡང་ རྒྱལ་ཡོངས་ཚོགས་སྡེའི་ནང་གསུང་གྲོས་ཀྱི་དོན་ལུ་ ཕུལ་ནི་ཨིན་པའི་གནས་ཚུལ།
