སྤ་རོ་ དོ་སྟེང་འབྲིང་རིམ་སློབ་གྲྭའི་ སློབ་ཕྲུག་ཚུ་ སྤྱི་ཚོགས་ཀྱི་ཚོགས་ཐེངས་དང་པ་མཇལ་བ་དོང་ཡོདཔ་།
སྤ་རོ་ དོ་སྟེང་རྒེད་འོག་ དོ་སྟེང་འབྲིང་རིམ་སློབ་གྲྭའི་ སློབ་ཕྲུག་ ༢༩ དང་ སློབ་དཔོན་ ༡༦ གིས་ ད་རིས་ སྤྱི་ཚོགས་ནང་ བལྟ་སྐོར་ནང་འོང་མི་འདི་ཡང་ ལོ་ཕྱེད་་ཆོས་རྒྱུགས་ནང་ ཁྱད་འཕགས་ཅན་དང་ སྐུགས་བརྒྱ་ཆ་ ༩༠ ཡན་ཆད་ཐོབ་མི་ སློབ་ཕྲུག་ཚུ་གི་དོན་ལུ་ སློབ་སྦྱོང་ལྟ་སྐོར་གྱི་ལས་རིམ་ཅིག་ཨིན་པས། ཚོགས་དཔོན་ ཤེས་རིག་དང་རིག་རྩལ་གོང་འཕེལ་བློན་པོ་ དེ་ལས་ ནུས་ཤུགས་དང་རང་བཞིན་ཐོན་སྐྱེད་བློན་པོ་དང་ ལྡོག་ཕྱོགས་འགོ་ཁྲིདཔ་ ཚོགས་དཔོན་འོགམ་ དེ་ལས་ ལམ་གོང་ཝང་ལྕང་འདེམས་ཁོངས་ཀྱི་འཐུས་མི་ཚུ་གིས་ སློབ་ཕྲུག་དང་སློབ་དཔོན་ཚུ་དང་ མཇལ་ཕྲད་གནང་སྟེ་ འབྲེལ་བ་འཐབ་ཅི།
འདི་བཟུམ་གྱི་ བལྟ་སྐོར་འདི་ ན་གཞོན་ཚུ་ལུ་ སྤྱི་ཚོགས་ཀྱི་ལམ་ལུགས་ཚུ་གི་སྐོར་ལས་ ཤེས་ཡོན་བྱིན་ནིའི་དོན་ལུ་ཨིནམ་མ་ཚད་ སློབ་ཕྲུག་ཚུ་ལུ་ སྤྱི་ཚོགས་ཀྱི་བྱ་རིམ་ཚུ་ ག་དེ་སྦེ་ ལཱ་འབདཝ་ཨིན་ན་གི་སྐོར་ལས་ ཉམས་མྱོང་དང་ ཤེས་རྟོགས་ཚུ་ ཐོབ་ཚུགས་པའི་ གོ་སྐབས་བྱིན་ནིའི་དོན་ལུ་ཨིན་པའི་གནས་ཚུལ།
