ད་རིས་སྤྱི་ཚོགས་ལྷན་ཞུགས་ནང་ དམངས་རྩིས་ཚོགས་ཆུང་གི་ཁྲི་འཛིན་ རྒྱལ་ཡོངས་ཚོགས་སྡེ་གི་ ཁྱད་ལྡན་གྱི་འཐུས་མི་ ཕུན་ཚོགས་རབ་བརྟན་གྱིས་ ལོ་བསྟར་དངུལ་འབྲེལ་རྩིས་ཐོ་དང་ རྩིས་ཉོགས་ཀྱི་དབྱེ་ཁག་ རྩིས་སྒྲིག་འབྱུང་མི་དང་ མ་འབྱུང་མི་ རྩིས་ཉོགས་ཀྱི་དབྱེ་ཁག་ཚུ་ ལས་སྡེ་ཁག་ཚུ་གིས་ རྩིས་སྒྲིག་འབྱུང་མི་དང་ མ་འབྱུང་མི་རྩིས་ཉོགས་ཚུ་ དེ་ལས་ ཚོགས་ཆུང་གི་ ཞིབ་རྟོགས་དང་ གྲོས་འདེབས་ཚུ་ བཤལ་ཞུ་ཕུལ་ཡི།

ཚོགས་ཆུང་གིས་ འདི་བཟུམ་གྱི་ རྩིས་ཉོགས་འདི་ཚུ་ ལས་སྡེ་ཚུ་ནང་ ལམ་ལུགས་ཅན་ཅིག་ལུ་འགྱུར་ཏེ་ཡོདཔ་ལས་ ལོ་བསྟར་རྩིས་ཞིབ་སྙན་ཞུ་ག་རའི་ནང་ དུས་རྒྱུན་དུ་ ཐོན་དོ་ཡོདཔ་སྦེ་ མཐོང་ཡོདཔ་ཨིན་པས། འཕྲལ་འཕྲལ་རང་ཐོན་འདི་ཡོད་མི་རྩིས་ཉོགས་ཚུ་ རྩིས་ལོ་ ༢༠༢༢-༢༣ ནང་ རྩིས་ཆད་ ཡོདཔ་པའི་མི་མང་གི་ལཱ་ དོན་ལུ་ དངུལ་ཀྲམ་ས་ཡ་ ༣༨༩.༠༨ དང་ དངུལ་ཀྲམ་ས་ཡ་ ༢༣༥.༩༡ འདི་ དངུལ་འཐེབ་སྤྲོད་ཡོདཔ་དང་ དེ་ལས་ ཟད་འགྲོ་འཕྲོ་བརླག་གཏང་མི་ལུ་ དངུལ་ཀྲམ་ས་ཡ་༡༥༦.༤༩ དེ་གི་མ་ཚད་  ཁྲིམས་དང་་ཁྲལ་ལྟ་བུ་ ཉེས་ཆད་་ ཀྱི་་དོན་ལུ་ དངུལ་ཀྲམ་ས་ཡ་ ༣༩.༦༦ ཨིན་། དངུལ་ཀྲམ་ ས་ཡ་ ༢༡.༩༢ འདི་ མ་ཆོག་པའི་ དང་གཞན་མེ་ དངུལ་སྤྲོད་ཚུ་གི་དོན་ལུ་ཨིན་པས།

ཁྲི་འཛིན་གྱིས་ ཚོགས་ཁང་ནང་ རྒྱལ་གཞུང་རྩིས་ཞིབ་དབང་འཛིན་གྱི གྲོས་འདེབས་ ༧ ཕུལ་མི་གི་ཁ་སྐོང་ལུ་ ཚོགས་ཆུང་གི་ གྲོས་འདེབས་ ༣ ཕུལ་ཡི།

ཚོགས་ཆུང་གིས་ གྲོས་འདེབས་ཕུལ་མི་ནང་།

༡༽ གཞུང་གིས་ འཕྲལ་འཕྲལ་རང་ཐོན་འདི་ཡོད་པའི་ རྩིས་ཉོགས་ཚུ་ དཔེ་འབད་བ་ཅིན་ དངུལ་འཐེབ་སྤྲོད་མི་ ལཱ་མཇུག་མ་བསྡུཝ་ལས་ ཟད་འགྲོ་བདག་སྲུང་འབད་ནི་ མ་ཆོག་པའི་ དངུལ་སྤྲོད་ནི་ སྐྱིན་འགྲུལ་བསྡུ་ལེན་འབད་མི་ རྒུད་བསྡུ་ལེན་མ་འབད་ནི་ལག་སོགས་པ་ཚུ་ བརྩོན་ཤུགས་དང་ ནང་འཁོད་ཚད་འཛིན་ཐབས་ལམ་ཡར་དྲག་གཏང་ནི་དོན་ལུ་ ཐབས་ཤེས་སྒྲིག་དགོ།

༢༽ གཞུང་གིས་ རྒྱལ་གཞུང་ཞི་གཡོག་ལྷན་ཚོགས་ དང་ཅིག་ཁར་ གྲོས་བསྟུན་འབད་དེ་ ལས་ཁུངས་ག་རའི་ནང་ ཁྱད་རིག་གི་སྡེ་ཚན་མ་འདྲཝ་ནང་ མི་སྟོབས་ཀྱི་ ཁྱད་པར་ཚུ་ བསྐྱར་ཞིབ་འབད་ནི་དང་ འཆར་གཞི་ ༡༣ པའི་ནང་ གསར་སྒྲུབ་ཀྱི་མ་དངུལ་ རྒྱ་ཆེ་དྲགས་སྦེ་ ཡང་སེང་འགྱོ་ཡོདཔ་ལས་ མི་སྟོབས་ཀྱི་དཀའ་་ངལ་ཡོད་མི་ཚུ་ དུས་ཚོད་ཁར་ ཚབ་མ་བྱིན་དགོ།

༣༽ གཞུང་གིས་ ཆུ་མཛོད་ཁང་དང་ ཡང་ན་ ཆུ་མཛོད་ཁང་གི་ གདམ་ཁ་ཚུ་ མགྱོགས་དྲགས་སྦེ་ སྲིད་བྱུས་ཐག་གཅོད་་ནི་དང་ ས་འོག་གློག་མེ་ཁང་དང་ གློག་འཕྲུལ་གྱི་ཅ་ཆས་ཚུ་ སྤུ་ན་གཙང་ཆུ་དང་པའི་ གློག་མེ་ལས་འཛིན་ བརྟག་ཞིབ་དང་ འགོ་བཙུགས་པའི་སྐབས་ གདོང་ལེན་མ་འབྱུང་ནི་གི་དོན་ལུ་ཨིན་པས།

གསུང་གྲོས་ཀྱི་སྐབས་ འཐུས་མི་ཚུ་གིས་ ད་ལྟོ་ཡོད་པའི་དཀའ་ངལ་ཚུ་ སེལ་ཐབས་ལུ་ མཉམ་འབྲེལ་དང་ ཐབས་བྱུས་ལེགས་ཤོམ་དགོཔ་འདུག་ཟེར་ ཞུ་ཡི། གཞུང་གིས་ འགན་འཁྲི་ཅན་གྱི་མི་ཚུ་ལུ་ རྩིས་ཁྲ་བཙུགས་ཏེ་ གཡོ་སྒྱུ་དང་ ངན་ལྷད་ཡར་སེང་འགྱོ་མི་ལུ་ གདོང་ལེན་འབད་དགོཔ་འདི་ གལ་ཆེ་བས་ཟེར་ ཞུ་ཡི། ཡུན་རིངམ་སྦེ་ཐོན་ཡོད་པའི་ དཀའ་ངལ་ དངུལ་འཐེབ་སྤྲོད་ཡོདཔ་ མི་མང་གི་ཟད་འགྲོ་གཏང་ནི་ནང་ ལྕོགས་གྲུབ་མེད་མི་ དང་ བཟོ་རིགས་འགོ་དཔོན་ཚུ་ ཕྱོགས་སྡེབ་བཟོ་མི་འདི་གི་ ལཱ་འགན་ལྗིག་ཅན་དང་ ལཱ་བྱདཔ་མངམ་དགོ་ཡོདཔ་ཚུ་ སེལ་ཐབས་ལུ་ ཚ་གྱང་ཚུ་ཞ་ཡོདཔ་ཨིན།ལམ་ལུགས་བསྐྱར་ཞིབ་དང་ ཐབས་ཤེས་འཚོལ་ནི་ལུ་ འབྲེལ་ཡོད་ཚུ་གིས་ གྲོས་བསྟུན་འབད་ནི་འདི་ གལ་ཆེ་ཤོས་ཅིག་ཨིན་ཟེར་ཞུ་ཡི།།

ཚོགས་ཁང་གིས་ ཕྱག་ཡར་སེང་ཐོག་ལས་ ཚོགས་ཆུང་གི་ཕུལ་མི་ གྲོས་འདེབས་འགོ་དང་པ ༢ ཕ ཆ་འཇོག་འབད་ཡི། གསུང་གྲོས་འདི་ ནངས་པ་ འཕྲོ་མཐུད་དེ་ གནང་ནི་ཨིན་མས།