མི་དབང་མངའ་བདག་རིན་པོ་ཆེ་མཆོག་གིས་ སྤྱི་ཚོགས་བཞི་པའི་ ཚོགས་ཐེངས་གཉིས་པའི་ སྒོ་འབྱེད་རྟེན་འབྲེལ་ནང་ དབུ་བཞུགས་མཛད་གནང་ཡོདཔ།
འབྲུག་གི་སྤྱི་ཚོགས་ ༤ པའི་ ཚོགས་ཐེངས་ ༢ པ་འདི་ མི་དབང་མངའ་བདག་རིན་པོ་ཆེའི་དབུ་བཞུགས་ཐོག་ལས་ འགོ་བཙུགས་ཡོདཔ་ཨིན། སྒོ་འབྱེད་་རྟེན་འབྲེལ་འདི་ནང་ སྤྱི་ཚོགས་ཀྱི་ཞལ་འཛོམས་ཚུ་ གལ་གནད་ཆེ་བའི་གསལ་སྟོན་འབད་ནི་ལུ་དམིགས་ཏེ་ མི་དབང་སྐུ་འཁོར་ཚུ་དང་ དེ་ལས་ ཆེ་མཐོའི་གཞུང་གི་དཔོན་ཁག་ ཕྱི་འབྲེལ་གྱི་དོན་གཅོད་སྐུ་ཚབ་ གཞན་ཡང་ སློབ་གྲྭ་ཁག་སོ་སོ་ལས་ སློབ་དཔོན་དང་སློབ་ཕྲུག་ཚུ་གིས་ བཅའ་མར་གཏོགས་ཡོདཔ་ཨིན།
མི་དབང་མངའ་བདག་རིན་པོ་ཆེ་མཆོག་ ཆིབས་གྲལ་བཙར་ཏེ་ མི་རྗེ་ཚོགས་དཔོན་ ཁྲི་འཛིན་ བློན་ཆོན་དེ་ལས་ ལྡོག་ཕྱོགས་འགོ་ཁྲིདཔ་ བློན་པོ་ལྷན་སྡེ་དང་ ཆེད་སྟོད་ཅན་གྱི་འཐུས་མི་ཚུ་གིས་ ཚོགས་ཁང་ཆེན་མོའི་ནང་གདན་འདྲེན་ཞུ་སྟེ་ འགོ་བཙུགས་གནང་ཡོདཔ་ཨིན།
ཚོགས་དཔོན་གྱི་ འགོ་བཙུགས་གསལ་བཤད་ ནཱ་ལུ་གཟིགས་ཚུགས།
