ཡིག་ཚང་ཞབས་ཏོག་སྡེ་ཚན།

རྒྱལ་ཡོངས་ཚོགས་འདུ་གིས་ ཚོགས་འདུ་ཁོ་རའི་དམིགས་དོན་དང་ འཆར་སྣང་ཚུ་ འགྲུབ་ཐབས་ལུ་ སྡེ་ཚན་འདི་གིས་ ཐབས་ལམ་འཆར་གཞི་དང་ འཛིན་སྐྱོང་གཏན་འཁེལ་གྱི་ ལཱ་འགན་འབག་དོ་ཡོདཔ་ཨིན། འདི་བཟུམ་སྦེ་ སྡེ་ཚན་འདི་གིས་ ཉིན་བསྟར་གྱི་ སྤྱིར་བཏང་བདག་སྐྱོང་དང་ དངུལ་འབྲེལ་ཞབས་ཏོག་ཚུ་ཡང་ འཛིན་སྐྱོང་འཐབ་ཨིན། སྡེ་ཚན་གཞན་མི་བཟུམ་སྦེ་ སྡེ་ཚན་འདི་གིས་ རྒྱལ་ཡོངས་ཚོགས་འདུའི་ཆེད་བསྟོད་ཅན་གྱི་འཐུས་མི་དང་ ཚོགས་ཆུང་ དེ་ལས་ ཡོངས་ཁྱབ་དྲུང་ཆེན་ལུ་ ཁྱད་རིག་གི་ལམ་སྟོན་དང་ རྒྱབ་སྐྱོར་ཞབས་ཏོག་ཚུ་ ཕུལ་དོ་ཡོདཔ་ཨིན། དེ་མ་ཚད་ དགོས་མཁོ་དང་བསྟུན་ ལཱ་འགན་གཞན་ཡང་འབག་སྟེ་ ལཱ་འབད་དོ་ཡོདཔ་དང་ སྡེ་ཚན་འདི་ ནང་གསེས་སྡེ་ཚན་༣ ལུ་ དབྱེ་སྟེ་ཡོདཔ་ཨིན།

བདག་སྐྱོང་རྒྱབ་སྐྱོར་ སྡེ་ཚན།

• དྲུང་ཆེན་ཡིག་ཚང་གི་ ཉིན་བསྟར་བདག་སྐྱོང་ལཱ་འབད་ནི(བདག་སྐྱོང་གི་ སྒྲིགས་ཁྲིམས་དང་ བཅའ་ཡིག་དང་སྒྲིགས་གཞི་རྒྱུན་སྐྱོང་འཐབ་ནི་དང་ ལོ་བསྟར་མཉམ་འབྲེལ་ཞལ་འཛོམས་ཚུ་ འགོ་འདྲེན་འཐབ་ནི།)

• རྒྱལ་ཡོངས་ཚོགས་འདུའི་ ཚོགས་ཐེངས་ཀྱི་སྐབས་ བཞེས་སྒོ་སྐྱེལ་དྲང་གི་ཞབས་ཏོག་ གྲ་སྒྲིག་འབད་ནི།

• སྣུམ་འཁོར་རྒྱུན་སྐྱོང་དང་ ལག་ལེན་གྱི་ ལཱ་འགན་འབག་ནི།

མི་སྟོབས་ སྡེ་ཚན།

• དྲུང་ཆེནཡིག་ཚང་དང་ མི་སྟོབས་སྲིད་བྱུས་ཀྱི་དོན་ལུ་ མི་སྟོབས་གོང་འཕེལ་གཏང་ནི།

• གཡོག་གི་མདུན་ལམ་དང་ ལཱ་གཡོག་གོང་འཕེལ་ལས་རིམ་ཚུ་ གོང་འཕེལ་དང་ བསྟར་སྤྱོད་འབད་ནི།

• གསར་བཙུགས་དང་ གདམ་འཐུ་ གཡོག་གནས་ དེ་ལས་ ལས་བྱེདཔ་འགྲུལ་སྐྱོད་ལུ་གནོད་པའི་ གཞན་མི་ རང་དོན་བྱ་ལེན་གྱི་ སྲིད་བྱུས་དང་ བྱ་སྒོའི་རིམ་པ་ཚུ་ བསྟར་སྤྱོད་འབད་ནི།

• ལཱ་གཡོགཔ་གི་ རྒུད་འཐུས་དང་ ཁེ་ཕན་གནད་དོན་ཚུ་ འཛིན་སྐྱོང་འཐབ་ནི་དང་ མི་ངོམ་རེ་གི་ ཐོ་དེབ་བཞག་ནི།

• ཆ་འཇོག་གྲུབ་པའི་ ལོ་བསྟར་བསྐྱར་ཞིབ་འཆར་གཞི་དང་འཁྲིལ་ཏེ་ མི་སྟོབས་གོང་འཕེལ་གྱི་འཆར་གཞི་གཙོ་རིམ་བཟོ་སྟེ་ བསྟར་སྤྱོད་འབད་ནི།

• སྡེ་ཚན་གཞན་མི་ཚུ་དང་ མཉམ་འབྲེལ་ཐོག་ ལས་དོན་དང་ ལཱ་གཡོགཔ་འབད་ནི།

• དྲུང་ཆེན་ཡིག་ཚང་ནང་གི་ ལཱ་གཡོགཔ་གི་ རིག་རྩལ་དང་ དགོས་མཁོའི་སྦྱོང་བརྡར་དང་ མི་སྟོབས་དགོས་མཁོ་ཚུ་ བརྟག་ཞིབ་འབད་ནི།

• ཡོད་ཐོ་དང་ སྒྲིགས་ཁྲིམས་ ངལ་གསོའི་ཆད་ཐོ་ བསྐོ་བཞག་དང་ གོ་གནས་ཡར་སེང་ གནས་སོར་དང་ གཞན་རང་རྐྱང་འགྲུལ་སྐྱོད་ཚུ་ བདག་འཛིན་འཐབ་ནི།

དངུལ་རྩིས་ སྡེ་ཚན།

• དྲུང་ཆེན་ཡིག་ཚང་ནང་གི་ དངུལ་རྩིས་དང་འབྲེལ་བའི་ ལས་རིམ་དང་ རིམ་ལུགས་ དེ་ལས་ བྱ་སྒོའི་རིམ་པ་ཚུ་ གོང་འཕེལ་དང་ འགོ་འདྲེན་ བསྟར་སྤྱོད་དང་ ཡར་སྐྱེད་གཏང་ནི།