ཞིབ་འཚོལ་དང་ཟིན་འགོད་སྡེ་ཚན།

རྒྱལ་ཡོངས་ཚོགས་འདུའི་དྲུང་ཆེན་ཡིག་ཚང་གི་ ཞིབ་འཚོལ་དང་ཟིན་འགོད་སྡེ་ཚན་གྱིས་ དྲུང་ཆེན་ཡིག་ཚང་གི་ ཞིབ་འཚོལ་དང་ ཡིག་ཆ་ཐོ་དེབ་ཀྱི་ལཱ་འགན་ཚུ་འབག་དོ་ཡོདཔ་དང་ ཚོགས་དཔོན་དང་ རྒྱལ་ཡོངས་ཚོགས་འདུའི་ཆེད་བསྟོནད་ཅན་གྱི་འཐུས་མི་ ཚོགས་ཆུང་ དེ་ལས་ ཡོངས་ཁྱབ་དྲུང་ཆེན་ལུ་ ཁྱད་རིག་ལམ་སྟོན་དང་ ཞིབ་འཚོལ་རྒྱབ་སྐྱོར་ཞབས་ཏོག་ཚུ་ཡང་ ཕུལཝ་ཨིན་མས། སྡེ་ཚན་འདི་གིས་ ཡོངས་ཁྱབ་དྲུང་ཆེན་གྱིས་ བཀོད་ཁྱབ་དང་འཁྲིལ་ ལཱ་འགན་གཞན་ཚུ་ཡང་ འབད་དོ་ཡོདཔ་ཨིན།

སྡེ་ཚན་འདི་ དམིགས་བསལ་ལཱ་གཡོག་གི་ འགན་དབང་དང་སྦྲགས་ཏེ་ སྡེ་ཚན་ནང་གསེས་གསུམ་ལུ་དབྱེ་སྟེ་ཡོད་མི་དེ་ཡང་:

༡༽ ཞིབ་འཚོལ་སྡེ་ཚན།

• གྲོས་གཞི་གྲ་སྒྲིག་དང་ མཐའ་བཅད་བཟོ་ནི།

• འཐུས་མི་ཚུ་ལུ་ ལཱ་གཞི་དང་ ལས་ཚན་ཞིབ་འཚོལ་འབད་ནི།

• ཞིབ་འཚོལ་ཡིག་ཆ་ཚུ་ ཞུན་དག་དང་ བསྐྱར་ལོག་ལྷག་ནི།

• དཔེ་སྐྲུན་དང་ རྒྱབ་རྟེན་ཡིག་ཆ་ཚུ་ དཔེ་སྐྲུན་དང་ པར་ཡིག་བཏབ་སྟེ་ བཀྲམ་སྤེལ་འབད་ནི།

• འོས་འབབ་དང་ དགོས་མཁོ་དང་འཁྲིལ་ ཞིབ་འཚོལ་གྲུབ་འབྲས་ཚུ་ འཐུས་མི་དང་ དྲུང་ཆེན་ཡིག་ཚང་གི་ལས་བྱེདཔ་ དེ་ལས་ བརྡ་བརྒྱུད་ཚུ་ལུ་ གསལ་ཞུ་འབད་ནི།

• རྫོང་ཁའི་གསལ་བཤད་དང་ ཡིག་འབྲེལ་གལ་ཅན་ཚུ་ ཟིན་བྲིས་བཏབ་ནི།

༢༽ ཟིན་འགོད་ སྡེ་ཚན།

• རྩོད་འགྲན་ཚུ་ ག་སླབ་ ཡིག་ཐོག་ལུ་བཀོད་ནི།

• གྲོས་ཆོད་ཟིན་བྲིས་བཏབ་ནི་ ཞུན་དག་འབད་ནི།

• ཁྲིམས་དོན་ཐབས་ལམ་གྱི་དོན་ལུ་ ནུས་ཤུགས་ཅན་གྱི་ ཐོ་བཀོད་རིམ་ལུགས་ཐོག་ བཀྲམ་སྤེལ་དང་ ལྟ་རྟོག་ཚུ་ གཏན་འཁེལ་བཟོ་ནི།

• རྒྱལ་ཡོངས་ཚོགས་འདུའི་ ཉིན་བསྟར་གནས་དེབ་ཀྱི་ བྱ་སྒོའི་རིམ་པ་ཚུ་ ག་སླབ་ཐོ་བཀོད་འབད་ཞིནམ་ལས་ ངག་བརྗོད་ལྷད་མེད་དེབ་སྒྲིག་འབད་ནི།

༣༽ སྐད་སྒྱུར་སྡེ་ཚན།

• གྲོས་གཞི་དང་ ཉིན་བསྟར་ཁྱབ་བསྒྲགས་ བཀའ་རྒྱའི་ཡིག་ཆ་ གྲོས་ཆོད་ཚུ་ རྫོང་ཁ་ལས་ཨིང་སྐད་དང་ ཨིང་སྐད་ལས་ རྫོང་ཁའི་ནང་ སྐད་སྒྱུར་འབད་ནི།

• གསར་ཤོག་དང་ ཞིབ་འཚོལ་ཡིག་ཆ་ གནས་དེབ་དང་ དེ་ལས་ གནས་ཤོག་ཚུ་ སྐད་སྒྱུར་འབད་ནི།

• རྒྱལ་འཛིན་བཀའ་རྒྱ་དང་ གསལ་བཤད་གལ་ཅན་ དེ་ལས་ འབྲེལ་ཡོད་ཡིག་ཆ་ཚུ་ སྐད་སྒྱུར་འབད་ནི།

• སྤྱི་ཚོགས་ཀྱི་ ལཱ་འགན་དང་འབྲེལ་བའི་ བཀོད་ཁྲིམས་དང་ དཔྱད་ཡིག་ བཅའ་ཡིག་ དེ་ལས་ བྱ་རིམ་ཚུ་ སྐད་སྒྱུར་འབད་ནི།

Terms of Reference of the Assistant Research Officers.

Click the link to view ToR (Download)