ཁྲིམས་བཟོ་དང་བྱ་རིམ་སྡེ་ཚན།

སྡེ་ཚན་འདི་གིས་ རྒྱལ་ཡོངས་ཚོགས་འདུའི་ཚོགས་ཐེངས་དང་ ཚོགས་ཆུང་གི་ཞལ་འཛོམས་ཀྱི་ འཆར་གཞི་དང་ ཕན་ཐབས་ཀྱི་ འགན་ཁུར་འབགཔ་ཨིན། འཐུས་མི་དང་ ཡོངས་ཁྱབ་དྲུང་ཆེན་ལུ་ ཁྱད་རིག་ལྡན་པའི་ལམ་སྟོན་དང་ རྒྱབ་སྐྱོར་ཞབས་ཏོག་ཚུ་གིས་མ་ཚད་  ཁྲིམས་དོན་ཚོགས་ཆུང་དང་ དྲུང་ཆེན་ལུ་ རྒྱབ་སྐྱོར་སྤྲོད་དོ་ཡོདཔ་ཨིན། དེ་མ་ཚད་ སྡེ་ཚན་འདི་གིས་ དགོས་མཁོ་དང་བསྟུན་ཏེ་ ལཱ་འགན་གཞན་ཡང་ འབག་དོ་ཡོདཔ་ཨིན། སྡེ་ཚན་འདི་གི་འོག་ དམིགས་བསལ་ལཱ་འགན་འབག་མི་ སྡེ་ཚན་གཉིས་ཡོདཔ་ཨིན།

ཁྲིམས་ལས་སྡེ་ཚན།

• དཔྱད་ཡིག་དང་ གྲོས་ཆོད་ ཁྲིམས་བཟོ་གྲོས་ཆོད་བཙུགས་པའི་ འཕྲི་སྣོན་ དེ་ལས་ བཀོད་ཁྱབ་བཀའ་རྒྱ་ཚུ་ ཁྲིམས་མཐུན་བཟོ་ནི་ལུ་ ཁྲིམས་མཐུན་བསམ་འཆར་དང་ ལམ་སྟོན་གནང་ནི།

• དགོས་མཁོ་དང་བསྟུན་ འབྲུག་རྒྱལ་ཁབ་འདི་ཚོགས་པ་ཨིན་པའི་ རྩ་ཁྲིམས་ཆེན་མོ་དང་ ཁྲིམས་ལུགས་དང་ བཀོད་ཁྱབ་བཀོད་རྒྱ་ རྒྱལ་སྤྱིའི་ལྷན་འཛོམས་ ཆིངས་ཡིག་ དེ་ལས་ གན་རྒྱ་ཚུ་གི་དགོངས་དོན་ཚུ་ལུ་ ཁྲིམས་ཀྱིས་གནོད་ཉེན་ཚུ་ གསལ་ཞུ་འབད་ནི།

• སྤྱི་ཚོགས་ཀྱི་བྱ་སྒོའི་རིམ་པ་དང་ ལམ་ལུགས་བཟོང་པོ་ཚུ་ དུས་མཐུན་བཟོ་ནི།

• གཞི་བཙུགས་དང་ བཟོ་དབྱིབས་ ལམ་ལུགས་ དེ་ལས་ བཅུད་དོན་ཚུ་གཏན་འཁེལ་བཟོ་ཐབས་ལུ་ དཔྱད་ཡིག་ བཅའ་ཡིག་དང་ སྒྲིགས་གཞི་ཚུ་ བསྐྱར་ཞིབ་འབད་ནི།

• དྲུང་ཆེན་ཡིག་ཚང་དང་འབྲེལ་བའི་ བཅའ་ཡིག་དང་སྒྲིགས་གཞི་ཚུ་ ཁྱབ་སྤེལ་ལུ་ རྒྱབ་སྐྱོར་འབད་ནི།

• དྲུང་ཆེན་ཡིག་ཚང་འདི་ཚོགས་པ་ཨིན་པའི་ འགན་འཛིན་དང་ གན་ཡིག་ དེ་ལས་ ཐབས་ལམ་ཚུ་ གྲ་སྒྲིག་འབད་དེ་ སྒེར་སྡེའི་ལས་མགྲོན་ཚུ་གིས་ དྲུང་ཆེན་ཡིག་ཚང་ལུ་སྤྲོད་པའི་ལཱ་རིགས་ཀྱི་ འགན་འཛིན་དགོངས་དོན་གྱི་ གོ་དོན་ཚུ་ འགྲེལ་བཤད་རྐྱབ་ནི།

• དྲུང་ཆེན་ཡིག་ཚང་གི་ ཁྲིམས་དོན་ཚུ་ བདག་འཛིན་འཐབ་ནི།

ཚོགས་ཆུང་སྡེ་ཚན།

• ལས་བྱེདཔ་ལུ་རྒྱབ་སྐྱོར་དང་ ཡིག་ཆའི་ཚོགས་ཆུང་ དེ་ལས་ མི་མང་སྙན་གསན་ཚུ་ སྤྲོད་ནི།

• དྲུང་ཆེན་ཡིག་ཚང་གི་ སྡེ་ཕྲན་གཞན་མི་ཚུ་དང་ མཉམ་འབྲེལ་ཐོག་ ཚོགས་ཆུང་གི་ལས་དོན་ཚུ་ལུ་ བདག་སྐྱོང་དང་ ལག་ལེན་རྒྱབ་སྐྱོར་འབད་ནི།

• ཡིག་འབྲེལ་དང་ ཚོགས་ཆུང་སྙན་ཞུ་ དེ་ལས་ ཚོགས་ཆུང་ཚུ་གི་ གཞུང་འབྲེལ་ཡིག་འཕྲིན་ཚུ་ གྲ་སྒྲིག་འབད་ནི།

• ཚོགས་ཆུང་གི་གྲོས་ཆོད་ཚུ་ ཞུན་དག་འབད་ནི་དང་ པར་ཡིག་བཏབ་ནི་ བཀྲམ་སྤེལ་དང་ གཏན་མཛོད་ནང་བཙུག་ནི་དང་ ཡང་ན་ བྱ་རིམ་དང་ ཞལ་འཛོམས་ཚུ་ ག་སླབ་ཡིག་ཐོག་བཀོད་ནི།

• ཚོགས་ཆུང་ཚུ་ལུ་གཏང་ཡོད་པའི་ དཔྱད་ཡིག་ཚུ་གི་ གནས་ཚད་སྙན་ཞུ་གྲ་སྒྲིག་དང་ ལྟ་རྟོག་འབད་དེ་ ཚོགས་ཆུང་གི་ལཱ་ལུ་ བྱ་སྒོའི་རིམ་པའི་ལམ་སྟོན་དང་ ཁྱད་རིག་སླབ་སྟོན་ཚུ་ཐོབ་སྤྱོད་ལུ་ གཏན་འཁེལ་བཟོ་ནི།